Pogba: Man Utd gaboi që nuk më ofroi kontratë

14:21 | 16 Qershor 2022
K.B

Paul Pogba ka thënë se dëshiron t’ia vërtetojë Manchester Unitedit se kanë gabuar që nuk i kanë ofruar kontratë të re për ta vazhduar qëndrimin në “Old Trafford”.

Pogba për “The Athletic”, tha se nuk mundi ta kuptojë qëndrimin e Man Utd në raport me të.

Sipas tij të njëjtët i thanë se e dëshirojnë në skuadër, por nuk i ofruan marrëveshje konkrete.

“Dua t’i tregoj Manchester Unitedit se gaboi që nuk më ofroi kontratë. Si mund t’i thuash një lojtari se e dëshiron në klub pa i ofruar atij asgjë”.

Pogba tanimë është afër që të transferohet te Juventusi, pasi i skadoi kontrata me ish-kampionët anglezë në këtë qershor. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm